1304/2023-2024

Aizawl the 28th July 2023 : Vawiin ni 28th July, 2023 hian UD&PA Department chuan Aizawl khawpui chhunga PMAY-Housing for All (Urban) Mission hnuai atanga mirethei insak tanpuina sum dawng turte hmalak dan tur inhrilhfiahna hun (Sensitisation) Hall hrang hrang pathum(3) – Electric Veng YMA Hall, Vaivakawn YMA Hall leh Chanmari YMA Hall ah neih a ni.

Mizoram pumah PMAY-Housing for All (Urban) Mission hnuai ah hian mirethei Insakna dawng tur (beneficiaries) chhungkua 37450 an awm a, insak tanpuina Rs.1.5lakh(Nuai khat singnga) theuh Instalment thum(3) a pek tur an ni a. Chhungkua 29997 ten 1st Instalment Rs.60,000/- theuh an dawng tawh a, a la dawnglo te hi August,2023 ral hma in, 1st Instalment Rs.60,000/- theuh dawn tir hman turin theih tawp chhuah mek a ni. Kum 2024 ral hma ngeiin chhungkua zawng zawng te hi insak tanpuina an dawn tur ang zawng zawng pe kim vek hman tura hmalak mek a ni.

PMAY –Urban hnuai a insak tanpuina dawng tur beneficiaries te hi, insak tangpuina (Fund) pek an nih hmain, UD&PA Department chuan inhrilfiahna hun (Sensitisation Programe) a nei phawt thin a. Vawiin a Aizawl khawpui chhunga kohkhawm te hi an vaiin mi 998 an ni. Inhrilfiahna hun hman zawh hian a dawngtu tur te hian an pawisa dawn te in sak nan ngei hmang tura intiamkamna an ziah hnuah fund hi an dawng chauh thin a ni. He Mission hi bultan tan a nih tirh atangin1st Instalment dawng thar turte a piang hi inhrilhfiahna hun UD&PA Department in a hmanpui zel thin a ni.

District leh khawpui  dangah pawh hetiang inhrilhfiahna hun hi pawisa pek chhuak hma a neih zel thin a ni a. Tunlai hian khawpui hrang hrangah hman mek a ni. PMAY –HFA (Urban) Mission hnuai ah hian Mizoram khawpui hrang hrang 23ah( census town) insak tanpuina hi pek mek zel a ni.