1302/2023-2024

Mamit 28th July, 2023 : Vawiin khan Chhimveng YMA Hall, Mamit-ah Training of School Management Committee (SMC) & School Management Development Committee (SMDC) on “ Social Transformation Through Education”chungchangah training neih a ni.

Pu Laldingliana, District Project Coordinator, Samagra Shiksha Mamit chuan training tura kalkhawmte fuihna thu sawiin zirna-a hma kan sawn theih nan tihtakzet a kan tan tlan a ngai a, Mamit District chu zirna lam a kan hnufual thu leh Aspirational District kan nihna atanga inkhaichhuak turin zirtirtute'n mawhphurhna nasa tak kan nei a ni tiin Mamit District-in zirna kawngah hma a sawn theih nan a theihtawpchhuah turin kalkhawmte a chah a ni.

Vawiin SMC & SMDC training- ah hian Resource Person-te hi Pu Lalbelzuala, Superintendent, SPD State Project Office, Samagra Shiksha Mizoram,Dr. Hmingthanzuala, Associate Professor (Rtd.) IASE, Pu F Lallura, Former Director, School Education Department leh Rev Dr. Lalchungnunga, Former Principal, Serampore College - te an ni a. Resource Person-te hnen atang hian zirna-in hma a sawn theihna tur a, mawhphurhna hrang hrangte, Zirtirtu, Nu leh Pa, khawtlang kan tanrual a ngaih ziate leh hmasawnna tura chanvo hrang hrang kan neih dan bakah zirna-in hma a sawnna tur a, tanrual a ngaih thute an tarlang a ni.

Vawiin training hi Pu Emmanuela, Addl. DPC, Samagra Shiksha, Mamit chuan kaihruaiin-in, Pu H Lalrosanga, Dy. DPC in inhmel hriattirna hun a hmang a, Pu H Darhmingliana, Dy DPC (E) chuan lawmthusawina neiin,  training-ah hian SMC & SMDC Elementary School 243 leh Secondary School 33 atangin – Headmaster, Teacher leh SMC Member (Parents) atangin mi 500 vel an tel a ni.