1301/2023-2024

Lunglei the 28th July, 2023: Vawiin chawhnu khan Pu Lawmawma Tochhawng Vice Chairman,High Powered Committee, Lunglei chuan ama Office chamber ah Zirlai ti tha te leh Mizoram Nu Chak 2023 intihsiaka pahnihna Zorempuii Khawlhring te hnenah lawmpuina a hlan.

HPC Vice Chairman Pu Lawmawma Tochhawng MLA chuan tunhma in zirlai titha lawmpuina hlan tur kan nei manglo thin a, tun kum nga atang khan hlawhtlinna chang hmuh tur an tam zel hi lawmawm a ti a. Graduate thar te chu hlawhtlinna rahbi zawh tur kawng thui tak an la nei a ni tih hre reng a mi tangkai leh chhawrtlak zawk ni turin tun aia nasa a zirna lamah tan an lak a pawimawh thu sawiin an kal zelna turah ngaihtuahna fim tak hmang a Pathian rawn chungin thu tlukna siam ula, in tisual lovang tiin a chah bawk. Pu Lawmawma Tochawng chuan Mizo nula leh tlangval an ni tih inhrereng a, zir sang ringawt ni lova, zirthiam leh hman tlak, chhawr tlak ni bawk turin a fuih a ni. Midangte tana tangkai thei a awm hi hlawhtlinna chi khat a ni tih hrerenga tlawmngaihna kawngah pawh midangte entawn tlak a awm turin a chah bawk.

Vawiin a HPC Vice Chairman in zirlai titha a chawimawi te hi pathum (3) niin Michael Lalrinsanga Fanai, B.Tech (Civil) MZU Gold Medalist, Lalrohluzuali, Msc (Psychology) Garden University Bengaluru Topper te leh Merry Lalmuankimi, Msc (Chemistry) MZU 4th Position te niin Mizoram Power lifting leh Zonet Calble Network buatsaih  Mizo Nu chak intihsiaka lawmman pahnihna latu Remzopuii Khawlhring hnenah lawmpuina thuziak leh pawisa fai pek a ni bawk.