1814/2023-2024

Mamit Dt 9th September, 2023 : Nimin khan Er. H. H.Lalzirliana, Vice Chairman, Road & Infrashtructure Development Board Mamit Bialtu MLA ni bawk chuan a bial chhung Suarhliap leh Damdiai khua-te a tlawh.

Er. H.Lalzirliana hian Suarhliap khua tlawh hmasa-in khawtlang hruaitute, VC leh NGO-te meeting a neih pui a. Suarhliap khawtlanga tui dahkhawlna nei tha lo chhûngkaw 66 (sawmruk leh paruk) te hnênah tui dahkhawlna tuizem (Sintex) a pe a.Puanthuia eizawng mi pathum (3) te hnênah Puan thuikhawl a pêk bakah pheikhawk chhe siam thiam mi 1 (pakhat) hnênah Pheikhawk chhe siamna bungrua a pe bawk. MLA hian Suarhliap khawtlang hruaitute mamawha hman turin Silpouline leh sport materials-te a pe bawk a ni.

Bialtu MLA chuan Suarhliap khawtlang tan Company CSR atangin Damlo phûrhna tur Ambulance pêk tuma hma lak sak mek an nih thu a sawi bawk.

Nimin vek khan Er. H.Lalzirliana, Bialtu MLA hian Damdiai khua-a Jal Jeevan Mission Scheme hnuaiah tui Pump khawl a hâwng bawk.

Tui Pump khawl hawnna hunah hian Bialtu MLA chuan Damdiai khawtlangin tui hnianghnar tak an nei dawn ta chu a lawmpui thu sawiin, tui a an harsatna sawrkarin hria-in a ngai pawimawh em em a, tui nei tha ber khua in ni ta hi ka lawmpui takzet che u a ni tiin, Central sawrkar-in mipuite'n tui thianghlim hnianghnar tak kan neih theihna tûrin Mizoram Sawrkar kaltlangin hma ala a, Mamit bialchhung khaw tam tak tui harsatna khua-ah te, JJM Scheme hnuaiah khaw engemaw zatah hma lâk mek a nih thu leh Sawrkar duhsakna bialchhung khaw hrang hrangah kan dawn na sat thu a sawi bawk.

Bialtu MLA chuan Sawrkar flagship program SEDP pawh sum harsatna nasa tak karah kal pui mek zel a ni a. Mamit District chu a chhawr berte zing a mi kan ni a ti. SEDP Teachers engemaw zat Sawrkarin a pek thu leh SEDP Health workers eng emaw zat bakah Family Oriented SEDP-te pawh chhungkaw tam tak hnenah pek mek an ni a, pek belh zel an nih dawn bakah la dawng ve lo te pawh Sawrkarin pek belh zel a tum thu a sawi bawk.

Damdiai khua-ah hian tui dahkhawlna nei thalo chhûngkaw 65 (sawmruk panga) te hnênah Sintex (Tuizem) a pe a, khawtlang hruaitute'n a tul anga an hman atan Silpoulin a pe bawk.

Tui Pump khawl hâwnna Programme hi Er. Helen Saibuangi EE, PHE Mamit in a kaihruai a, Technical report Er. Malcolm Lalhmingliana SDO PHE Mamit in a pe a bawk.

Bialtu MLA-in Suarhliap leh Damdiai khua a tlawh hi sawrkar Official atangin Er. Duhthlanga National Highway Div-III EE leh Er. Pu David PC.Lalrinliana National Highway Div- I te'n an ṭawiawm a ni.