1813/2023/3204

Hnahthial the 8th September 2023: Vawiin chawhma khan Horeb Conference Hall, Hnahthial-ah District Fishery Development Office (DFDO) chuan Pradhan Mantri Matsya Sampada Yojana (PMMSY) hnuaia Sangha dil siam tanpuina (new pond) dawngtu hnenah Rs. 45,360 theuhin an sem chhuak. Tun tumah hian mi 50 hnenah sem chhuah niin State Marching Share cheng 5,040/- dawn hmabak an la neih thu tarlan a ni.

țVawiina Sangha dil siam tanpuina inkhawm kaihruaitu Pu George Lalnuntluanga, DFDO Hnahthial chuan pawisa dawn ni atangin hma lak nghal tur a ni tiin sangha dil point 1 hactare a zau square meter 100 laih tur a ni a ti a; laih hma, siam lai leh laih zawh hnu thlalak-te neih vek tur a nih thu a tarlang. Hna thawk tha leh hma la chak hnenah second instalment thun nghal zel a ni dawn tiin, sa hrisel tak sangha hmanga intodelh chu sorkar thil tum pawimawh tak a ni a ti a, a bikin Hnahthial District chu intodelh tura tan lak a ngai leh zual a, theihtawp chhuaha, an hnunga dawng turte tan pawh entawn tlak nih tum theuh turin tanpuina dawngtute a fuih a ni.

Vawiin-a PMMSY hnuaia sum dawngtute hnenah hian Direct Benefit Transfer (DBT) hmangin a dawngtute account-ah sum chhunluh a ni dawn a ni. DFDO Hnahthial in sum an sem chhuah zawng zawng hi cheng 22,68,000/- a ni