1812/2023/3204
2023 Mimkut thla ni 8: Vawiin khan Sr Superintendent of Police, Kolasib District Pu Lalrinawma Traite chuan Mizoram State sawrkar Notification No. B. 12021/18/94-TRP dt. 25.09.2007 leh Section 115 of Motor Vehicle Act 1988 (Act No. 59 of 1988)-in thuneihna a pek angin, Bilkhawthlir leh Saiphai inkar kawng siam that hna thawh vanga lirthei chet vel dan tur chungchangah a hnuaia mi ang hian thupek a chhuah.
"Bilkhawthlir leh Saiphai inkar kawng chu Mizoram PWD, Kolasib Division hnuaia contractor-te'n siam that hna an thawk mek a, tha zawk leh chak zawka hna thawh a nih theih nan dt. 11.09.2023 (Thawhtanni) atanga dt. 22.09.2023 (Zirtawpni) thleng chu he lai kawng hi khar a ni ang a, lirthei eng chi mah kal phal a ni lo ang.
"He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Department, Ambulance leh Magistrate-te chet velna a huam lo ang.
"He thuchhuah chungchanga harsatna tawk emaw, report neite chuan IC Saiphai Out Post (Ph. No. 81319 34212)/ IC Bilkhawthlir Out Post (Ph. No. 98621 77507/98623 16186)-ah te biak theih reng an ni."
