1811/2023-2024

Dated Serchhip, the 8th September, 2023: Vawiin khan Er. Lalrinawma, Social Welfare & Tribal Affairs Minister chuan Mizo Student's  Union (MSU) General Conference vawi 21-na khuallian niin Auditorium, Thenzawl ah a hmanpui.

R. Lalrinawma chuan nakin lawka kan ram hruaitu la ni mai tur leh kan hnam nghahfak zirlai te hmaa thusawina hun a nei thei chu lawmawm a ti a, kan ram leh hnam tana zirlai pawl ten theihtawp an lo chhuah thin chu fakawm tiin mahni inthunun theihna nei tur leh hnam ziarang leh nunphung te chawi nunga hman uar zel a tul thu a sawi. Zirlaite chu nakin lawka dinhmun pawimawh tak chelh mai tur annih avangin 'Mahni mihringpuite hlutna hriat a pawimawh' hle ati bawk. Kan hnam pasaltha leh mi hmasate chawimawi thiam a, an sulhnu chhinchhiah tlak tak takte vawnghima kan humhalh zel a ngai a ni, a ti. Ram leh hnam humhalh nan taima taka hnathawh a tul thu sawiin, hna zahawm bik a awmlo a, a thawktu zirin a zahawm mai thin a ni, a ti a, hna sang zawk thawk thei tur pawha inbuatsaih a tul thu a sawi bawk.

Khualzahawm Pu Lalnunsanga Chairman, Mizoram Co-Operative Apex Bank pawhin thusawiin 'ram leh hnam humhalh nan thawktu tur bik an awmlo, nang leh kei hi thawktu kan ni' ati a, zirlaite chu thiam bik nei tur leh inelna sang zawk, hnamdangte khum thei tura inbuatsaih a hun tawh tak zet a ni a ti. He hun hi Laldinsanga, Vice President in a kaihruaia, Tv. C.Hmangaihzuala kaihruaina in pawl thil tum sawi rual niin College Cultural Club hrang hrangten hnam lam hmuhnawm tak an entir bawk a ni.

Attachment

  • Loading attachment...