1760/2023-2024

Mamit 5th September, 2023 : Vawiin khan Road & Infrastructure Development Board Vice Chairman leh Mamit Bialtu MLA ni bawk Er. H.Lalzirliana chuan Chhimveng Branch YMA Hall-a New Diamond School-in Teachers' Day puala inkhawm a buatsaih chu a khuallian niin a hmanpui.

Khuallian Er. H.Lalzirliana chuan zirtirtu leh zirtirtu pension zawng zawngte zahna chibai a buk a. Rim taka zirtirna hna ropui an thawhnate hrerengin, duhsakna leh chawimawina a hlan a. Zirtirtute hi ram leh hnam chherchhuaktu leh dintu an ni tih hre nawn leh ila, an pawimawhna leh mawhphurhna sang tak hriatreng hi ram mipuite bat a ni tiin a sawi. Khawvela miropui leh mithiamte hi zirtirtute kutchhuak an ni a ti. Khuallian chuan zirna in-a hnamlam inzirtirte, mizo-in a kan ngaihhlut hrang hrang - tlawmngaihna, aia upa zah, midangte tanpui inzirtir uar leh mizo kan nihna zahpui lova chhuang em em zawk tura inzirtir uar turin zirtirtute chu a fuih a ni. Lehkhathiam, zir sang, sakhua zahna chang hre lo, awmdan mawi hre lo zirlai mahni chauh inhmangaih an pung ang tih hi hlau ila, zirtirtute'n tan la zual zel turin thiamna bakah nunze tha tuh zel tum turin a fuih a ni.

Khuallian hian School-in a hman tur Computer Set Pali bakah zirlai kal khawm zawng zawng hnenah thilpek a hlan nghal a ni.

He hun hi Pu Zoliansanga Tlau, Principal-in a kaihruai a. Khuallian hi Pu Laldingliana, DEO leh midangte'n an tawiawm a ni.