1370/2023-2025
Aizawl, the 3rd August 2023: Vawiin khan Er. Lalrinawma Social Welfare & Tribal Affairs Minister chuan Social Welfare & Tribal Affairs Department enkawl a Old Age Home, Ainawn veng a mi leh Protective Home Hunthar veng ami chu tlawh in thawktute nen inkawm ho na an nei.
He hunah hian Er. Lalrinawma Minister chuan kum upa te hlut nachâng Kan hriat a ngai tih a sawi a. Chhan hrang hrang avanga upa zawk te helai hmun a enkawl ngaia an awm chu pawi a tih thu sawiin Thawktute pawhin rawngbawlna ah ngaiin thahnemngai taka enkawl turin a chah.
Old Age Home hi Mizoram Sorkar, Social Welfare Department hnuaiah 1st March, 1989 khan hawn tan a ni a. Kum 60 chunglam Mizoram khua leh tui dik tak, chhungte enkawltu neilo te awmna niin tunah hian mi sawm (10) enkawl mek niin thawktu 8 an awm mek a ni.
Er. Rinawma chuan State Social Welfare & Rehabilitation Centre Hunthar veng a mi chu a tlawh chhunzawm leh a. Hmeichhia harsatna tawk, dawm kan ngai te kaihhruaina leh an an eizawnna tur thiamthil zirtirna hmun buatsaih a ni chu thil lawmawm tak a ni tih a sawi a.Thawktute chu an inpeknaah lawmthu hrilh in tanpui ngawiteh puitu leh tuamhlawmtu an nih a hria a, tan la zel turin a chah a ni.
State Social Welfare & Rehabilitation Centre hi Kum 1990-ah din niin mi 50 awm theihnaa ni a, he hmunah hian Puantah, Puanthui, Beauty Culture leh Computer-te zirtir thin niin an an awm hun chhung in thla 7 a ni a, tunah hian mi hmeichhia 43 leh naupang 5 awm mek in thawktu 22, an awm mek bawk a ni.
Minister hi Pi Zodingpuii, Director, Pi R. Lalnunmawii Dy. Director SW& TA leh Official-te'n an tawiawm a ni.
Attachment
- Loading attachment...
