2086/2023-2024

30.09.2023: Vawiin khan Er. Lalrinawma Social Welfare & Tribal Affairs Minister chuan Tuikum Bial Zirlai Pawl Meet-2023 leh Zirlai ti țha te lawmpuina hun chu khuallian niin Sel-Lut Resort, Zemabawk, Aizawl ah a hmanpui.

Kuallian Er. Lalrinawma, Minister chuan zirlai kalkhawmte chu nakin lawka kan ram leh khawtlang hruaitu turte annih avangin mahni inthununa, kan tihtur leh tih loh turte hriat chiana, mahni khua ah pawh zirna leh thildangah hmahruaitu ni zel a, midang tan entawn tlak nizel turin achah ani. Mahni khua leh venga zirna in leh thawktute pawh an chanchin leh dinhmun hrechianga, puih an ngaihna-ah thawkhoa puitu ni zel turin leh neitu rilru pu chunga hmalak atul hle a ni a ti. Minister hian "Zirna hi hringnun laimu leh bulthut" ani tih hria a zir zel turin kal khawmte asawm ani. Zirlaite chu nakin zel ah eizawnna hrang hrang an chelh hunah pawh mahni mihringpuite hlutna hria a midang tan biak nuam leh dawr nuam ni turin a chah a, vawiin hun anga zirlai tithabik chawimawiphu leh kan chawimawi mi -50(Sawmnga) lai mai titha bik an awm chu lawmawm tiin ankal zelna tur ah duhsakna ahlan ani.

Pu Rinawma, Minister chuan abial chhung enkawlna ah a ngaihpawimawh pathum Eizawnna, Zirna, Hriselna chu angaihpawihmawh zual nihthu sawiin khaw hrang hrang mila eizawnna leh hmasawnna tura hmalakna te akalpui thin thu sawiin tun hnaiah Tuikum bial atanga School thahnem tak mizoram sawrkarin dinhmun tha zawka ahlangkai chu lawmawm tiin enkawl zui kawngah pawh mipuite mawhphurna sangtak kan nei bawk a ni, a ti.

Program hi MSU General Headquarters lama hruaitute'n an kaihruai a ni.