No.3635/2021-2022

Aizawl, the 12th January, 2022 : Er Lalrinawma Dy. Speaker, Tuikum bialtu MLA chuan a bial chhung khua hri hluarna hmun te tlawh chhunzawm zelin vawiin hian Rullam, Lungpho,Ngentiang leh Thinglian khua te a tlawh.

Heng khuaah te hian khawtlang hruaitu leh VLTF ten lo dawng sawngin 4C an din te pawh a tlawh a ni. Pu Er. Lalrinawma chuan hri dona kawngah Sawrkar, Kohhran, NGO leh VLTF ten theih tawp chhuah mahse hri lak a fihlim tur hian mimal tinte mawhphurhna a sang hle a, inven dan tur sorkarin SOP a siam te zawm kan tum tlat zel a pawimawh a ni a ti. Dy. Speaker chuan mimal himna hian vantlang himna a thlen avangin vantlang himna tur chuan mitinte kan fimkhur tlan leh Vaccine kan lak that a pawimawh a ni, a ti. Khawii maw laiah vaccine la duh lo thawm hriat tur a awm thin chu pawi a tih thu sawiin zoram mipui te vaccine la theuh turin a sawm bawk. Tun din hmunah Rullamah hri kai 109, Lungpho ah 116 Ngentiang ah 58 leh Thinglian ah 17 an awm mek a, hri hi a kal lam la nih riha a lan a vangin an dinhmun tur hi hriat thiam ala harsa rih hle ni a hriat a ni.