3484/2022-2023

Dated Serchhip, the 6th February, 2023: Vawiin hian Er. Lalrinawma, Minister, SW & TA, AH & Vety,etc., chuan Laichinga Memorial Football tournament, Hualtu khelmuala neih chu khuallian niin a hawng.

A hawnna inkhawmah Minister chuan, mihringte hian hmasawnna nei turin inrintawkna leh inthunun theihna kan mamawh thin a, inringtawk thei turin inbuatsaihna tha kan neih pawh a tul thin. Vawiina football khel tura rawn kal khawm infiammite pawhin football-ah hian eizawn theihna, sum leh pai tam tak lakluh theihna remchang a awm tih ka hre vek ang a, chutiang tithei khawpa kan inbuatsaih chuan keimahni mai ni lovin ram leh khawtlang tan pawh a hlawk a ni, a ti. Kan thalai theihna nei ten infiamna lama eizawnna leh hmasawnna an hmuh chhoh zel theih nan Mizoram sawrkar chuan Sports Infrastructures a din nasa hle a, Sports policy tha tak a duang bawk a, theihtawp chhuaha beitute tan chuan kawng a inhawng zau hle a ni tih i hria ang u, tiin infiammi kal khawmte a chah a. Ruitheih thil leh mipat hmeichhiatna a fihlim tur leh an hriselnate ngai pawimawh reng turin a chah bawk. Er. Lalrinawma hian tournament buatsaihtute inpekna chu lawmawm a tih thu hrilhin tluang leh hlawhtling tak nei turin duhsakna a hlan a ni.

Er. Rinawma hi Sports and Youth Affairs Board member Pu H. Lalroliana’n a tawiawm a ni.

Tournament hawnna inkhawm hi Pu K. Lalmuanchhana, President, Hualtu GSA in kaihruaiin Pu Lalrammuana’n Pu Laichhinga tu leh fate aiawhin thusawina a hmang a ni. He tournament ah hian khualkhua leh khawtual atangin team 25 an tel ang.

Er. Rinawma hian Hualtu Middle school hlui sawnna tur Hriangtlang hmun pawh a en nghal a, School hlui hi thiah a nih hunah Hualtu khelmual hi laihzauh nghal tura ruahman a ni.