3485/2022-2023

Aizawl, the 6th February 2023 : Vawiin khan Home Commissioner, Pu H. Lalengmawia, IAS, G20 Core Committee Chairman ni bawk hovin March ni 2 a Aizawl a G20 Business Meeting lo awm tur atana inpuahchahna leh inbuatsaihna hrang hrang te thlir hovin Secretariat Conference Hall MINECO ah an thukhawm.

Meeting ah hian January ni 27 a, G20 Chief Coordinator Pu Harsh Vardhan Shringla leh a hote lo kal tuma rawtna an siam leh duhdan an sawi te chu sawiho niin chumi dungzuia Sub-Committee hrang hrang ten hma an lak dan leh an inbuatsaih dante te ngaihthlak a ni. Lengpui Airport atanga mikhualte thlenna hotel leh an hotel atanga meeting neihna hmun tur MZU kawng dung te tihfai leh tihhnum chungchang leh hmalak tum dante, MZU leh Lengpui Airport a thil tul la tih ngai te pawh sawilan a ni bawk.

Tarlan tawh thin angin December ni 1, 2022 khan India chuan G20 Presidency kum khat atan a chelh tan a. India Presidency chhung hian ram chhung khawpui hrang hrang 50 ah meeting leh event chi hrang hrang 200 aia tam buatsaih a ni dawn. Hengte hi Sawrkar Laipui chuan ramchhung khawpui lian bakah Hmarchhak state khawpuiah te a nghat dawn a ni.

Attachment

  • Loading attachment...