3216/2022-2023

Dated Serchhip, the 11th January, 2023: Nimin Dt. 10.01. 2023(Tue) chawhnu khan Lungpho khaw ram Chalphai leilet hmun chu Minister Er. Lalrinawma'n a tlawh a, leilet neitute nena inkawmna te neiin hmasawn zel dan tur an sawi ho. Minister hi Pu Tlangtimawia, DAO Serchhip in a tawiawm a ni.

Er. Lalrinawma chuan, intodelh tura hma lam kan pan zel a tul avangin mitinin mahni zawna eizawnna hna kan thawhte  kan beih sauh sauh zel a ngai a, tihtak zet a kan thawh chuan kan thawnrim rah hi kan seng zel thin a ni, a ti.

Chalphai leilet neitute pawhin an hnathawhna hmun ngei a tlawh a, an harsatna rawn hmuhpuitu Minister an nei chu lawmawm an tih thu Er. Lalrinawma hi an lo hrilh a. An phurin an hlim hle tih an sawi a ni.

He hunah hian Pu Tlangtimawia Zote, DAO, Serchhip leh a thawhpui ten  Chalphai leileta thlasik thlai chin dan tur leh a enkawl dan chi hrang hrang te zirtirna hun an buatsaih nghal a. Ngentiang khuaa fu chingte fu huan pawh an enpui nghal a ni.

Minister Er.Lalrinawma hian nimin vek khan a bial Tuikum A/C huam chhung khaw dang heng; Ngentiang, Lungpho, Rullam khua te thlawh kual nghalin, khawtlang mamawh leh hmasawnna tur atana hma chhawp hrang hrangte VC leh NGO thenkhat te nen an sawi ho a ni.