No.3387/2021-2022
Dated Aizawl, the 14th November, 2021: Vawiin khan N.Vanlaiphai Games & Sports Association (GSA) buatsaih David Lalrintluanga Memorial Volleyball Tournament chu N. Vanlaiphai Rahsi Veng Volleyball Court ah Assembly Deputy Speaker Er.Lalrinawma chuan khuallian niin a hawng.

A hawnna inkhawmah hian Infiammite tan eizawnna kawng a pun zel thu sawiin Er.Lalrinawma chuan, “Mizoram sorkar chuan tunah hian Sports Policy fel tak a nei tawh a, Sports chu Industry pakhatah puang tawhin, Infiamna huang hrang hrangah tunhma aiin eizawnna kawng a zau tawh hle a, infiam mi hlawhtling tak tak pawh kan nei chho mek a ni,” a ti a. “A tha ber ka ni thei tih inpawm ngamchunga bei thin turin mizo thalai infiammite ka ngen a, mahni tha bera inpawm ngam lova, mi dangte tha zawka ngai tlat chung chuan infiamna huangah hlawhtlinna chan a har a, chapona tel si lovin tha berah in pawm ngam a ngai, chu chuan hlawhtlinna a pawchhuak thin a ni,” a ti. Mizo nula Mizo tlangval kan ni tih kan inpawm rualin Mizote hi kan huaisen ber a ni tih pawh kan pawm ngam a ngai. Hnam huaisen thlah kan ni tih hi vawng reng ang ila, inrintawkna nei chungin kan ram leh hnam tan theihtawp i chhuah zel ang u,” a ti bawk.

N.Vanlaiphai GSA buatsaih Volleyball tournament ah hian khaw hrang hrang atangin team 26 an tel a ni.