No.3388/2021-2022
Dated Aizawl, the 14th November, 2021: Vawiin khan Mizoram State Cooperative Union (MSCU) Board of Directors chu an President Pu K.Lalchamreia kaihhruaina hnuaiah MSCU Office Board Meeting Room, Bara Bazar-ah meeting pawimawh tak an nei.

Meeting-ah hian Agenda pawimawh tak tak ngaihtuahho a ni a, chung zingah chuan MSCU Staff Rules, Pay structure leh Post-ah siamthat leh belh ngai te, Staff kaisang tur leh regularise tur chungchang bakah Medical Re-imbursement leh MSCU President House Rent chungchang te chipchiar takin an sawiho. MSCU hnuaia JCTC building, Chawlhhmun-a mi chu sorkarin Covid-19 veite enkawlna atan a hman avangin rei tak chu training atan hman theih a ni ta lova, hrite a lo ziawm chhoh ve zel takah chuan tun atanga hun rei vak lovah chuan hman a nih theih tawh pawh a beiseiawm tih thu leh NCUI hnuaia NCCE te nen pawh PACS-a Manager / Managing Committee te tan kar hnih chhung training buatsaih nan JCTC hmun an rawn dil tih an sawi bawk.