3426/2022-2023

Aizawl 31st January 2023: Vawiin chawhnu khan Minister Er. Lalrinawma chuan India Republic Day 2023 puala Mizo naupang President Award lawmman dawngtute a Office Chamber MINECO inkawm khawmna hun a neihpui.

Er. Lalrinawma, President, Mizoram State Council for Child Welfare (MSCCW) ni bawk chuan thu sawiin Mizo naupang leh Zofa chhulchhuak zingah President Award dawng thei an awm chu lawmawm tiin thinlung takin a lawmpui tih a sawi a. Ram leh hnam tan mi chhuanawm leh entawntlak ni zel tura chahin an hun hman leh zel turah duhsakna a hlan a ni. Naupang rilru thianghlim takin mahni mihringpui chhanhimna atan nunna thapa an thawk chu ropui a ti a, an thiltih chuan midangte chona a pe nasa hle a ni, Minister chuan a ti. Hetiang Award dawng thei Zofaten kan nei hi a ropui a, nu leh pa ten kan fate enkawl thiam a ruihhlo laka fihlim tur leh huaisen inzirtir zel turin a duh thu a sawi bawk a ni.

Republic Day 2023 puala Mizo naupang President Award dawng te chu hengte hi an ni.
1.Jolyn Malsawmsanga S/o Lalmuankima, Pukpui Lunglei (GENERAL AWARD)
2.Lalramliana S/o Lalrinchhana New Hruaikawn,Champhai Dist. (GENERAL AWARD)
3.Vanlalfela S/o Lalrinthanga, Thenzawl Venghlun ( GENERAL AWARD)
4.Christian Vannunzira S/o Rosangzuala, Chhingchhip (ABHIMANYU AWARD)

Covid-19 avangin kum hnih chhung Award hi a taka sem thei a ni lo a, chuvangin kum 2021 atanga 2022 chhunga huaisen lawmman la tute chu tum khatah sem a ni a. Mizoram atang hian 2021 ah mi pathumin an dawng a, 2022 ah pakhatin a dawng leh a, state 17 atangin naupang 56 in an dawng a ni. Award lawmman lakna a kal te aiawhin an hun hman dan report Pu Lalengkima a pe bawk.

He hunah hian Pu K. Liantliang Ex-MLA  Vice Chairman, Social Welfare Board pawhin thu a sawi a. Pu J.C.Japanruna, Vice President, MSCCW in programme hi kaihruaiin Pi Rozami General Secretary chuan report a pe a, Pu Rosiamliana Ralte Vice President in lawmthu sawiin hun hnung a khar a ni.