838/2023-2024

Dated Serchhip, the 17^th June, 2023: Vawiin khan Er. Lalrinawma, Minister leh Tuikum Bialtu MLA chuan a bial chhung khua Thentlang leh Sialhau a tlawh a, khawtlang mamawh leh tulte khawtlang hruaitute nen an sawi ho.

Khawtlang hruaitute nena an inkawm naah Er. Rinawma chuan, kan hnathawh apiangte hi ram tana thawk leh ti kan ni tel zela, chuvang chuan mahni zawnah theuh tha taka thawh zel hi kan tihtur a ni. Khawtlang hmasawnna tur ruahmanna te hi khawtlang hruaitute leh department thawktuten an sawiho hmasak hi a tha ber a, mipuite pawhin ngaihtuahna kan sena, kan khawtlang tana tha leh mitin chhawr theih thilte i dap thin ang u. Tin, vantlang thilte mahni ta ang taka enkawl thiam a pawimawh hle a, neitu rilru kan put a pawimawh hle a ni, a ti.

Minister hian Sialhau Community Hall sak thatna tur leh Govt' Middle School sakna tur hmun te a tlawh a. Thentlang YMA Run, MUP In, Community Hall leh Panchayat   House sak mek te a tlawh bawk.