839/2023-2024

Aizawl 17th June 2023: Nimin khan Mizoram Rajya Sabha MP Pu K.Vanlalvena leh Lok Sabha MP lo ni tawh Pu Vanlalzawma ten External Affairs Secretary (East) Pu Saurabh Kumar chu a pisa South Block, New Delhi-ah an kawm a, KMMTTP Road laih mek chungchang te sawipuiin Mizoram leh Myanmar inrinna Zorinpuiah Border Trade Centre din thuai tul an tih thu an thlen a ni.

Pu K.Vanlalvena  leh Pu Vanlalzawma te chuan Zorinpui to Paletwa inkar motor kawngpui sial lai mek chu leilaih hna pangngai( formation cutting) zawh a ni tawh tih report an dawn thu leh motor kawngpui tlang hnuah chauh Border Trade Centre din a nih chuan a building sak chhung te nen hmasawnna a tih khawtlai theih thu Pu Saurabh Kumar hi an hrilh a.Pu Saurabh Kumar pawhin kawng tlang ruala trade centre peih hman a nih theih nan hmalak thuai a nih tur thu a sawi bawk a ni.

External Affairs Secretary Pu Saurabh Kumar chuan KMTTP road laihnaah hian harsatna chi hrang hrang avangin hna thawh chak a harsat thu leh tunah erawh chuan hna a tluan viau tawh thu te a lo sawi a.  Bay of Bengal atanga Chhimtuipui lui kaltlanga Mizorama bungrua a rawn luh hunah chuan Mizoram mai ni lo hmarchhak state dang te tan pawh chhenfakawm tak a nih a beisei thu a sawi bawk.

KMTTP hi India sawrkar leh Myanmar sawrkar ten April 2008 a inremna thuthlung an ziah hmanga bul tan niin;  Pu Vanlalzawma, Mizoram Lok Sabha MP a nih lai a ni a. India sawrkar tirhin Sittwe lawngchawlh hmun atang hian Paletwa thleng lawngin an lo fang tawh a ni.