3228/2022-2023

Mamit 12th January, 2023 : Vawiin khan Er. H. Lalzirliana,Mamit Bialtu MLA chuan a bial fangin North Sabual khua a tlawh a, North Sabual VC kaihhruaiin MLA pual hian vantlang inkhawm neih a ni.

Mamit bialtu MLA chuan Sawrkar hmalakna-a hun rei tak an khua motor kawng lut mumal thei lo chu kawngpui tha an lo neih tak avangin a lawmpui thu a sawi a, SBI foundation te'n hun eng emaw ti chhung adopted Village atana an puan avanga hmasawnna hrang hrang an thlen avangte, Jal Jeevan Mission (JJM) scheme hnuaia tui lama hmalakna awm mek te, School zirtirtu dah belh te leh Sub centre thar te, health worker quarter sak thar te, School building sak thatna tura ruahmanna kal mekte avangin North Sabual khaw mipuite chu a lawmpui thu a sawi.

North Sabual khawtlang mamawh thil chi hrang hrang VC , NGO te leh School mamawh hrang hrangte MLA hian a pe nghal bawk a ni.

MLA bial fan Programme-ah hian North Sabual Field-ah tihhlimna hun hman chhunzawm nghal a ni.

Mamit bialtu MLA North Sabual kal hian N.Sabual khua-a damlo na zualte kanin Sawrkar Building thenkhat te a tlawh nghal bawk.

Bialtu MLA hi Sawrkar Officials atangin DEO, DVO, EE (PHE), Sericulture Officer te'n an tawiawm a ni.