809/2022-2023
Dated Serchhip, the 7th June, 2022: Vawiin khan Deputy speaker Er. Lalrinawma, Tuikum bialtu MLA chuan a bial chhung khua Chhiahtlang Public playground thar; MLA fund bultuma laih zawh tak chu a tlawha, tlema la thawmthat ngai lai nia hriatte khawtlang hruaitute nena sawi hovin; field sir kual ah thing thahnem tak an phun nghal a ni.

Er. Lalrinawma chuan, eizawnna avang leh hmasawnna avangin engemawchen kan ramngawte kan thiat thina, amaherawh chu kan thing leh maute an riral mai loh nan a theih chen chenah a thar kan phun ve leh thung a. Kan ram a that reng theih nan thing phun kan uar deuh deuh hi a tul hle a ni, a ti. Thing leh maute hi mihringte nena inzawm tlat kan ni a, mihringte nunna hnar ber boruak siamtu an nih bakah nungchate chenna khawpui nuam tak a ni bawk a. A bik takin pangpar lam chi leh sava tlan lam chi thingte tun thingphun hun chhovah hian phun uar sauh sauh ila a duhawm hle ang, tiin Chhiahtlang mipuite chu an Field chhehvela thing lo phun uar turin a chah a ni.

Deputy Speaker hi khawtlang mipui thahnem takin an tawiawm a ni.