Mizoram chhimlam Dist pathum Siaha, Lawngtlai leh Lungleia ERO leh AERO te tan vawiin khan D.C Conference Hall Lungleiah Certification Training neih a ni a, training hi chawhma Dar 10:00 ah Lunglei Addl. D.C Pu Benjamin Lalzama'n a hawng.

He Training Programme hi Election Commission of India ruahman a ni a, chawhma lamah Election Rules chi hrang hrang Pu Vanlalchhuanawma Chongthu State Level Trainer in a zirtir a, chawhnu lamah Information Technology  Application chi hrang hrang ERO Net, BLO Net, NVSP leh ICC chungchang Pu James Lalnithanga State level Master trainer in a zirtir bawk a ni.

Training ah hian Siaha atangin ERO leh AERO 4, Lawngtlai atangin 3 leh Lunglei atangin 14 an tela, Training an neihzawh hian ECI chuan online Exam a buatsaih anga heta Pass te hnenah chauh Certificate pek an ni ang.