Vawiin khan Convention Centre, Lunglei ah Mizoram Sawrkar Flagship Programme, New Economic Development Policy (NEDP) hnuaia hmalakna pakhat, Mizoram Kailawn 2018 chunghchang in hrilhhriatna hun hman a ni.

He hun hi Pu HK.Vanlalsiama, Office Superintendent, Deputy Commissioner, Lunglei in kaihruai in Entrepreneurship Development Scheme (EDS) Master Trainer, Prof. Dr. Lalchhuanmawia chuan NEDP chungchang leh Mizoram in a Enterpreuner tha a mamawh dan te, Enterpreuner tha  nih theih dan te leh mi hlawhtling ni thei tura kalphung hrang hrang te a sawi a ni. Mizoram Consultancy Group ami Pi Zorammawii Ralte chuan mi hlawhtling ni tur chuan kan rilru sukthlek tih danglam a suangtuahna thui tak nei chunga ruahmanna fel nena inrintawkna neih a tul thu a, sawi. Enterpreneuership Development Scheme hmalakna kal zel ah Mizoram Kailawn (Business Plan Contest) 2018 chungchang sawi in a tel duh te tana hmalak dan tur tlangpui sawifiahna hun a hmang bawk. Lunglei atang a kum 2017 Business Plan Contest a Finalist, Rokimi Khawlhring in EDS hnuai a Training hrang hrang an neih dan leh a hlawkpui dan te a sawi bawk a ni.

Mizoram mi tupawh kum 18 chunglam sumdawnna emaw thil siamchhuahna thar remchang hria a tak a chang ngei tur eizawnna leh sumdawnna suangtuah chhuak thiam te tan kumin ah hian intihsiakna  (Business Plan Contest) Mizoram Kailawn buatsaih leh mek a ni a, he intihsiakna hi 10th May 2018 thleng in dilna thehluh theih a ni a, www.mizoramkailawn.org kaltlang a theh luh tur a ni. A tling te chu uluk tak a training pek an ni anga, an ruahman na te a tak a chan theih dan tur mithiam ten an  zirtir ang. Chumi hnu ah an tih that dan a zir in EDS 2018 ah lawmman pek an ni dawn a ni. Tun kum 2018 – 2019 a Mizoram Kailawn atan lawmman cheng nuai 10 dah a ani.

Vawiin Programme ah hian Lunglei khaw chhung a College hrang hrang zirlai naupang, Self Help Group, NGO’s hrang hrang leh Sawrkar hnathawk  te an kal a ni.

Attachment

  • Loading attachment...