Agriculture Technology Management Agency (ATMA), Lunglei District chuan vawiin ni 2nd May, 2018 hian Block hrang hrang Lunglei Block, Lungsen Block, Bunghmun Block leh Hnahthial Block ah ‘ Kisan Kalyan Karyashala’ (Farmers welfare workshop)a buatsaih a. Lunglei Block hian Agriculture Conference Hall, Lunglei ah hmangin, Lungsen Block hian Community Hall, Lungsen ah an hmang a, Bunghmun Block in Community Hall Sertlangpui ah hmangin, Hnahthial Block hian Conference Hall, Market Building, Bazar Veng ah te an hmang a ni.

Hemi hunah hian KVK, Agriculture and Allied Department hrang hrangin Government of India Schemes sawina neiin Kuthnathawktu hlawhtling te chawimawina hun hman a ni bawk a. Block tinah Kuthnathawktu 10 (Sawm) thlangchhuakin Certificate leh pawisa fai hlan an ni. Tin, Farmers Scientist Interaction hun hman nghal niin hemi rual vek hian Animal Health Camp buatsaih a ni bawk.

Block tin ah hian Block Development Officer (BDO) te khuallian niin he hun hi an hmanpui a. Village Council Member te pawn he hun hi an hmanpui a ni.

Kuthnathawk za chuang theuh kalkhawm in he hun hi vawiin khan Lunglei District Block tin ah hman a ni.