Vawiin hian BNRGSK Hall, Serchhip P&E Veng ah Serchhip District Agriculture Office hnuaia Agriculture Technology Management Agency (ATMA) Serchhip buatsaihin “Kisan Kalyan Karyashala (Farmers’ Welfare Workshop) neih a ni

“Kisan Kalyan Karyashala (Farmers’ Welfare Workshop) hi Pu James Lalsiamliana, Project Director, ATMA Serchhip District  in kaihruaiin, Pu Vanlalhmachhuana,BDO Serchhip Block  chu khuallian a ni a. Khuallian hian Farmer Workshop neih  a nih dan chungchang te a sawifiah bakah, he huna Agriculture lama mithiam  Expert/Scientist ten  loneitute zirtirna an pe thei tur chu lawmawm a tih thu a sawi a ni. Ei leh bar tharchhuah zatiin ram mipui lo tam chho zel a chawm zawh loh chuan, retheihna a tam tual tual thin tih sawiin, ei leh bar thawkchhuaktute an pawimawh hle a. Hma an sawn zelna tura hmalakna pawh sawrkarin a kalpui nasa em em a ni, a ti. Block Development Office kaltlang a Ni  za inhlawhna (MGNRES)  ah Lo/huan neitu thenkhatte  hna thawhsak an nih  thin thu te,  lo/huan  thawh tur thlannaah  pawh a ti puitling thei tur ngeite chauh  thawhsak an nih theihna turin mipui rorelna (Gram Sabha) ah pawh uluk taka thlang thin turin kalkhawmte  chu   a chah a ni.

“Kisan Kalyan Karyashala (Farmers’ Welfare Workshop) ah hian  Line Department hrang (Agri, Horti, Seri, Fisheries , Soil & Water Conservation leh Vety  Department) te hnen atangin an Department hmalakna hrang hrangte  report  nghaihthlak a ni a, Pu C Lalremruata  BTM, ATMA Sechhip Block hnen atangin Farmer hlawhtling thlanchhuah sawm(10) te hlawhtlin dan chanchin ngaihthlak niin  heng mite hi chawimawina thuziak leh pawisa Rs 2,000 theuh khuallian in a hlan nghal bawk.

Vawiina  “Kisan Kalyan Karyashala (Farmers’ Welfare Workshop)  hmanah hi  “Doubling of Farmer’s  Income  by 2022” hmalakna hnuaia buatsaih niin, he thupui hmang hian Pu K Laltlanmawia, Agricultute Extension Officer, Serchhip District chuan farmers kalkhawmte chu zirtirna a pe a. Pi Lalchuansangi, DPD, ATMA Serchhip District  in lawmhu sawina neiin hunkhat  a khar a ni.

Chawhnu lamah hun hnihna buatsaih leh niin; AH & Vety Department Dispensary Hall ah “Animal Free Clinic” Programme buatsaih a ni a. Serchhip khawpui chhunga ranvulhtuten a thlawnin an rante an entir hlawm a. AH & Vety Doctor leh Staff te  leh ATMA  Staff, Serchhip Block hnuaia thawktuten  rante hi an ensak a ni.