Nimin 27.9.2012 dar 2:00 khan Saiha District  Legal Service Authority ten an buatsaih District chhungaHigherSecondary Schoolnaupang te tan District Level Higher Secondary School Competition an Essay Writing, Poetry Writing leh Printing a titha te hnena lawmman sem ani.

He lawmman semna hun I&PR Conference Hall Saiha-a neih Pu CZ.Hlana, President M.J.A. Saiha District chuan kaihruaiin Pi R.Lalduhawmi, Chief Judicial Magistrate Saiha chu khuallian ani. Pu Laldinpuia Tlau, Judicial Magistrate chuan sawihawnna hun a neih hnu ah he Competition a Judges hrang hrang ten thu sawina an nei bawk. Thu sawiin khuallian chuan zirlaite tan taimak a pawimawh zia leh Pathian pawhin mi taima te chauh a tanpui thin ani a ti a, zirlaite tan lehkhabu tha chhiar zau leh chhir tam a pawimawh thu a sawi bawk. Lehkha chhiar hunbi neih a that zia leh tangkai zia sawin zirna atan a sawt takzet ani a ti bawk.

He Compitetion ah hian Essay Writingah Charity Laldingngheti , G.H.S.S Saiha chu pakhatna ani a, Robert L.R.Din mawia, G.H.S.S, Saiha pahnihna niin NG.Marina Lalhmingmuanawmi, G.H.S.S, Saiha chu pathumna ani. Poetry Writing ah Stephan J.Solomon G.H.S.S, Saiha chu pakhatna ani a, Jonathan Hlychho G.H.S.S saiha chu pahnihna niin Simon Donbosco H.S.S chu pathumna ani. Painting Compitetion ah T.Vabeikhochha Donbosca H.S.S Saiha chu pakhatna ani a, Joaba Azyu Donbosco H.S.S. Saiha chu pahnihna niin B.Beihnapiengia EMC H.S.S. Saiha chu pathumna ani. Lawmman  te hi Pakhatna  `. 2,000/- leh certificate a dawng a, Pahnihna in `.1,000/- leh Certificate a dawng a pathumna in `.500/- leh Certificate a dawng bawk ani. He Compitetion a tel zawng zawng te hnenah lawmman siamsak ani bawk.