Tukin zing khan Systematic Voters Education and Electoral Registration Participation(SVEEP) hmalakna kalzelah Mamit District Election Officer leh KTP Mamit Branch tangkawpin EVM leh VVPAT chungchang inzirtirna neih a ni.
He hunah hian Pu J.Miahlung, Election Officer chuan kan ram chu in thlang ram kan nih angin kan hmalawkah hian inthlan kan hmachhawn leh dawn a, inthlan nana kan hman thin EVM leh VVPAT chu rintlak loh leh thildik tawklo angin sawi a awm thin, inthlanna-a tlinglo zawk lam atangin sawisel awm thin mahse EVM leh VVPAT hi uluk tak leh rintlak a nih avangin kan hma-a inthlanpui kan hmachhawn turah pawh hian kan hmang leh dawn a. Kan ram hruaitu thlang turin mipuiten ngaihtuahna fim chhia leh tha hriatna thiang tak hmangin kan thlang tur a ni a ti.
Vote thlak chu India khua leh tui kan nihna anga kan tih ngei ngei tur a ni a, vote thlak pawimawhzia midangte zirtir chhawng theitu ni theuh kan tum tur a ni a ti bawk.
He hunah hian KTP Mamit Branch te chuan Vote thlak pawimawhna, EVM rintlak a nihzia Short play drama hmangin an entira, kalkhawm mipuite atangin thianghlim taka vote thlak tura intiamna(Signature campaign) leh Quiz buatsaih a ni bawk. Mamit Bazarpuia Bazar mipui engemawzatin an chhim a ni.
Attachment
- Loading attachment...
