Nimin khan  District Fisheries Development Officer's Office Champhai District buatsaihin RKVY Scheme hnuaiah Sangha khawtute tan Training Hnahlanah neih a ni.

Farmers Training programme Hnahlan YMA Information Hall-a neih hi Pi Lucy Lalrinpuii District Fisheries Development Officer (DFDO) chuan  kaihruaiin, Champhai District chhunga Sangha khawitute tan Sangha hrisel, mitin lei phak tur leh ei ngam tur  thar chhuah tam a tul tak zet thu a sawi a. Kalkhawmte chu theihtawp chhuaha tang zel tur leh training chhawr tangkaitu nih tum theuh turin a fuih a ni.

Training-ah hian Technical Staff  Pu K.Lalrinmawia, Fisheries Extension Officer; Pu Lalchhuanawma, Fisheries Demonstrator leh Pu Lalmalsawma, Fisheries Demonstrator te'n Sangha khawitute hnenah hlawhtling taka Common Carp  tui tir dante, nursery, rearing leh stocking pond enkawl dante bakah Sangha chaw pek dante an zirtir a ni.

Training hi chawhnu lamah chhunzawm niin,  zawhna chi hrang hrang chhanna leh sawifiahna hun mithiamten an nei a, Sangha khawituten an hlawkpui hle a ni. He hun hi Pu Lalremsanga, Chairman,Farmer Society, Hnahlanin lawmthu sawina neiin a khar a ni.