Vawiin chawhnu dar 12:00 khan Zobawk Village Council huaihawtin Zobawk Gov't H/S ah HSLC & HSSLC Exam Centre thar leh he Centre atang zirlai result tha nei ta te lawmpuina hun an siam a, he hun ah hian HPC, Lunglei Vice Chairman Pu Joseph Lalhimpuia chu khuallian niin mi pawimawh tha hnem takin an tawi awm ani.
Vice Chairman chuan zirlai titha te chu lawmpuina hlanin zirna ah rual awhnachang hriain tang sauh sauh turin a chah hlawm. Zirna tha leh hlawhtlinna nei tur chuan zirlaite kaihruaitu zirtirtu te bakah nu leh pa leh khawtlang hruaitu ten zirlaite ang thovin mawhphurhna an neih thu a sawi a, zirtirtu tam zawk ten khawpui a awm an duh avangin zirna leh zirlai ten harsatna an tawk thina, hei hi hriain sawrkar in ruahmanna tha tak a ngaih tuah mek ani ati.Pu Joseph Lalhimpuia chuan zobawk ah High School Building thar sak dan kawng buatsaih mek ani ati a, Primary Health Centre (PHC) pawh Chief Minister in a ngaih pawimawh angin Zobawk ah dah tum anih thu a sawi bawk.
Government Zobawk High School Centre atang hian Matric exam hnuhnung berah School 6 atang in zirlai 106 leh Private candidate 10 in exam an bei a, zirlai hlawhtling zingah hian Distrinction 21 leh Ist Division 32 an awm ani.
