Vawiin khan I&PR Conference hall Mamit ah Anti Malaria Month observation Cum Advocacy Meeting neih niin Pu A.Biaklawma Addl.DC Mamit chuan a hmanpui. He hun hi Dr Chawngthansiami CMO chuan kaihruaiin, Kum 1953 atangin khawvelpum ah Malaria dobeihpui thlak niin, Malaria avangin khawvel pum ah mi Maktaduaih 75 thih phahin DDT kap in nasa taka beih anih hnu ah Malaria avanga thihna chu maktaduaih 2 ah atlak thlak thu tar langin, Malaria damdawi pawh athlawnin sem mek a nih thu leh, NGO te nen tang kawpa Malaria kan do phawt chuan kan hlawh tling ngei ang a ti.
Pu A.Biaklawma Addl.DC pawhin thusawiin, kan beih meka ahi hrechiang leh fimkhur taka kan do angai ani tiin, Department hnathawktu hrang hrangte pawhin vawiin ni atang hian Malaria kan do danah hian thahnem ngai taka kan beih phawt chuan nasa takin Malaria hi a kiam ngei ang a ti.
Dr Vanlalfela SMO/District Malaria Officer pawhin, Malaria chungchang zirtirna te pein, Mamit District dinhmun tarlangin, 2009 chhungin Mamit District ah Malaria avanga thi zat chu mi 15 niin 2010 ah thizat chu mi 7 an tlin thu tarlangin, 2009 ah Malaria hrik pai hmuh chhuahzat chu mi 2582 anih thu leh 2010 ah Malaria hrikpai mi 2648 hmuh chhuah an nia, Mamit district ah 2010 chhungin Thosilen 22792 semchhuah ani a, DDT hi in 8911 (73%) ah kah anih thu atar lang bawk. He hun ah hian NGO pawl hrang hrang aiawhte bakah Kohhran hruaitute an tel a ni.
