4777/2024-2025

Mamit 24th of March, 2025 : Vawiin khan Excise & Narcotics Department Mamit Station chu Pu Peter Zohmingthanga, END Joint Commissioner (Enforcement) chuan Mamit Excise & Narcotics Department a tlawh a, Pu Ngurthanzama Sailo, Dy.Commissioner  chuan a ṭawiawm a ni.

Inspection team-te hi Pu Lalsangzuala Ralte Asst. Commissioner, Mamit chuan lo dawng sawngin Pu Peter Zohmingthang, Joint Commissioner chuan END Mamit a thawktute chu dan hriatna kawnga intuaihriam lehzual a ṭul thu te, District-ah staff indaih kan awm loh avangin a awm ang ang te'n kan hmanraw neih ang ang te hmang ṭangkai a, efficient zawk leh quality tha a hnathawk turin a fuih a, inpekna thuk zawk nen tunlai kan ram dinhmun ngaihtuahin ruihhlo dona kawngah theihtawp chhuah turin a chah a. Excise and Narcotics Department chu Department lianlo deuh angin lang mahse kan hnathawh hi mipui khawih dan pawimawh tak tak lekkawh a ni a, ramchhung mai nilo, pawn thlenga hmalak ngaite pawh a awm chho ta a, tun hnaiah pawh India ram khawpui ber New Delhi-ah te hial mi man a ngaite kan nei a, chuvangin a hnathawk te pawh mahni hma zawn ṭheuhvah tunlai thiamna thar nen hnathawk thei tura an hriatna tipung zel turin a chah a ni.

Inspection neih zawh hian END Mamit Recreation Hall-ah Darbur hun hman a ni a, hetah hian zawhna leh chhanna hun bakah Station tana ṭul te sawiho a ni a. Ram tana hnathawhna kawngah Mamit District chhunga NGO hrang hrangte nen ruihhlo dona kawnga thawhhona tha tak an nei thei chu lawmawm an ti hle a ni.