4776/2024-2025

Lawngtlai, 24th March, 2025 : Vawiin khan  Pi Margaret J. Vanlalremmawii, SDO (S) kaihhruaiin 'Road Safety Month' puala lawmman semna  DC Conference Hall, Lawngtlaiah neih a ni.

Pi Margaret J. Vanlalremmawii chuan kalkhawmte hnena lawmthu sawina a nei hmasa a.Hlawhtling taka 'Road Safety Month' hman a ni chu lawmawm a tih thu tarlangin, theihtawpa tha chhuahtute an fakawm hle a ti. SDO( S) chuan lirthei khalh hian hunbi tiam chin nei thei lo a, englai pawha fimkhur reng a tul tiin, lirthei khalh kawngah mitin fimkhur chhunzawm zel turin a chhah a. Ke a kalte pawh chetsualna laka  fihlim tura fimkhur zel turin a sawm nghal bawk.

Road Safety Month- puala lawmman latute chu a hnuaiah hian tarlan niin, Pi Margaret J. Vanlalremmawii chuan Citation leh pawisafai a hlan a ni. 

1. Best Driver (Maxi Cap)

    Pu C.Lalropuia, Diltlang South

2. Best Driver (Taxi):

    Pu K. Vanlalthahlua, Thingkah

3. Best Driver (Auto Rickshaw):

     Pu R Lalbiakhnuna,  Council Veng

4. Best Traffic Police:

    Constable C. Lalsiamthara,  New Vengpui

Lawngtlai  District Road Safety Committee bultumin 'Fimkhur leh him takin Lirthei khalh thin ang che' tih thupui a  hmangin Ni 7, February 2025 khan 'Road Safety Month 2025 ' hawnna hi  Areopagy, Bazar Vêngah neih a lo ni tawh a ni.