Ni hnih (2) chhung awh tur “Training on Drug Law Enforcement” chu vawiin kha Aizawl S.P Conference Hall-ah Pu Thianghlima Pachuau, DGP, Mizoram chuan a hawng a, Mizoram Police leh Excise Department Officer 40 hnenah training hi pek an ni ang.
ND&PS dan tlawhchhana mi man, dan bawhchhetu hremna puitling pe tura hnuchhui hi thil harsa leh khirhkhan tak a ni a. Dan bung leh chang khawimaw lai hmaih palh zeuh avanga thilsual hrem lohva chhuah leh mai te a awm fo thin a. Chutiang hmaihpalh, tihsual palh te a awm hauh loh nan leh dan bawhchhia a thil sual titu ten an phu tawk ang ngei hremna an hmuh theih ngei nan, helama hma latu Police te leh Excise Officer te hnenah he zirtirna hi pek an ni.
He training programme hi Narcotics Control Bureau, Zonal Office, Guwahati leh Mizoram Police SP, CID Crime te buatsaih a ni.
