2875/2022-2023

Champhai, the 30th November, 2022: Christmas leh Kumthar denchhena 'Ruihhlo Do Beihpui' hmalakna Special Drive kalpui mek zelah Excise & Narcotics Department, Champhai, Hnahlan Higher Secondary School, Hnahlan English Medium School leh Govt. High School-te tangkawp buatsaihin nimin November ni 29, 2022 chawhnu dar 1 khan Govt. High School, Hnahlan-ah ruihhlo hman khawlohna laka inven dan inzirtirna 'Anti Drugs Awareness Campaign' neih a ni.

He hunah hian 'Say NO to drugs and YES to life' tih thupui hmanga hun hmanho niin, Asst. Commissioner of Excise & Narcotics Pu Vanlalvura Ralte chuan zirlaite ruihhlo hman khawloh leh a nghawng hrang hrangte zirtirna a pe a. He hunah hian Hnahlan HSS, Hnahlan English Medium School leh Govt. High School Hnahlan zirlai 150 dawn an tel a; hun hlawkthlak tak hmanho a ni.

Ruihhlo hman khawloh leh a nghawng thalote zirtirna kal mek zelah Excise & Narcotics Department chuan hma a la mek zel a, hunpui vuakvetah Anti Drugs Awareness Campaign Special Drive District chhung hmun thlan bikahte an nei chho zel a. Ruahman dan chuan Anti Drugs Awareness Campaign hi December ni 2, 2022 chawhnu dar 1 ah hian Khawbung-ah neih tum a ni a, November ni 4, 2022 chawhnu dar 1 hian Presbyterian Kohhran leh Zomi Baptist Church-te tangkawp nen Sesih-ah neih tum a ni.