Ni 19.06.2013 zan dar 10:00 PM vel khan Excise & Narcotics -te chuan Zokhawthar Sumo (Maxi Cab) chu Zemabawk Forest Check-Gate-ah lo check-in mi pakhat, Lalhunvela (32) s/o Zairema (L) Champhai Venglaia awm ni a insawi hnen atangin, Heroin gram 2 an man a. NDPS Act 1985 hnuaiah thubuai siamsak a ni.

Ni 18.06.2013 zan dar 11:00 PM khan Excise & Narcotics, Vairengte chuan Excise & Narcotics Check-Gate-ah Pseudoephedrine tablet 1,56,460 phurhna atana hman, 407 truck MZ-02/A - 2383 an man bawk a, a neitu, Makmodul Hussain Laskar (32) s/o Amir Uddin Laskar, Rajghat, Cachar District, Assam leh Bulbul Ahamad Laskar (15), s/o Majod Ali, Satagram (Near Bagha), Cachar District, Assam-te pawh manin NDPS Act, 1985 hnuaiah thubuai siamsak an ni. Heng an mi mante hi Aizawlah rawn thawn chhoh an ni a, Dt. 19.06.2013 zan dar 8:00 PM vel khan Excise & Narcotics Hqrs. an rawn thlenpui a ni.