Laipuitlang leimin chhiat tawhna a Thingfal khaw mi nunna chan ta mi paruk (V. Johan-a, V. Lalmuanpuii, Lalremchhungi, Zothanpuia, Lalrindika, Vanlalrema) te leh hliam tuar te hnenah nimin khan Governor leh MCS Association aiawh ten ralna an hlan. Governor aiawh in Pu H. Lalhmingthanga, SDO (Sadar) Lunglei chuan ralna cheng sing khat theuh leh hliam tuar pakhat hnenah tanpuina cheng sang nga a hlan a, Pu Vanlalrema hnenah DC’s Ex-Gracia cheng nuaikhat leh sing nga leh hlaim tuar V. Lalhlimpuii hnenah DC’s Ex-Gracia cheng sangthum za hlan a ni bawk a, Dr. Andrew H. Vanlaldika DSC Lunglei in MCS Association aiawh in thi ta te hnenah cheng sang nga theuhin ralna a hlan bawk a ni.

Mitthi chhungte aiawhin Pu V. Thangduna F/o V Johan-a chuan sawrkar, NGO’s, kohhran leh mimal hnen atanga tanpuina an dawn zawng zawng avanga an lawmthu a sawi. Nimina ralna hlan hun tawi hman hi Thingfal VCP Pu PC Lalrammawia’n a kaihruai a ni.