Vawiin zing dar 7:00 khan Central YMA hruaitu Office Bearers-te chuan Pu J.H, Rothuama, Revenue etc. Minister chu a chenna In, Vaivakawnah an kawm.

CYMA hruaitutc chuan 67th YMA General Conference 2012 in a lo rel tawh leh CEC in a lo ngaihtuah tawh, “Assam Rifles chhuahsan tur ram hi mimal hnena pe lo tur leh tangkai taka hman a nih theih nana humhalh turin Sorkar ngen ni rawh se,” tih chu Revenue Minister hnenah hian an thlen a ni .

Pu J.H. Rothuama chuan Central YMA duh dan chu sorkar hmalak tum dan leh hmalak mekna a nih thu sawiin, Assam Rifles chhuahsan tur ram hi a hmunah pawh vawi hnih lai en a nih thu a sawi a. Assam Rifles chhuahsan tur ram hi mumal taka enkawl leh cheibawl a nih theih nan. “Advisory Committee on use of Assam Rifles Land inside Aizawl City Area” chu sorkar-in kum 2012-ah a din tawh thu sawiin, he Advisory Committee hian inhmuh khawmna neiin ramte a hmunah an en tawh thu a sawi.

Advisory Committee-te chu :

1. Pu J.H. Rothuama, Minister, Revenue Deptt. - Chairman

2. Pu R.L. Rinawma, Principal Secretary, Revenue Deptt. - Member Secretary

3. Pu R.Selthuama, ML A - Member

4. Pu K.Liantlinga, MLA - Member

5. Pu Lalthansanga, MLA - Member

6. Pu P. Rohmingthanga, IAS Rtd. - Member

7. Pu H. Raltawna, IAS Rtd. - Member

8. Pu R. Lalhmangaiha, MCS Rtd. - Member