Excise & Narcotics Department (END) thawktute chuan nizan (22.04.2014) dar 9:55 khan Thuampui Veng (Pushpak CE Road)-ah Heroin gram 15 an man. Hemi kaihhnawihah hian Heroin neitu Lalnunthangi (40) d/o Ralliantawna, Champhai Venglai chu a hmunah man nghal a ni a. Heroin hi Aizawla hralh turin Zokhawthar atanga lak niin sawi a ni.
END leh Saron Veng Branch YMA tangkawp chuan tukin zing khan Saron Vengah Heroin leh a tihna hmanrua thahnem tak leh addict pali (4) an man bawk.
Excise & Narcotics Department hian an mi mante hi The Narcotic Drugs & Psychotropic Substances Act (NDPS Act) hnuaiah thubuai an siamsak a, Central Jail-ah thawn nghal an ni.
