Mizoram Excise & Narcotics Department (END), Anti-Narcotis Squad te leh Seling Branch YMA te chuan nimin 1st May, 2014 khan Joint Operation neiin Heroin leh a neitute an man.
Excise & Narcotics Department, Anti-Narcotics Squad leh Seling Branch YMA te tangkawp hian Seling ah Heroin gram 9.500 mgs leh a neitu Lalrintluangi (37) d/o Zaithuama, Chekan ‘C’ Group Myanmar, tuna Champhai Electric Veng-a khawsa mek chu an man a. Seling-ah vek hian Heroin gram 9.500 mgs tho leh a neitu Lalthanmawii (47) d/o Lianthanga, Zokhawthar te chu an man bawk. Heng Heroin te hi Myanmar lam atanga lak, Aizawl leh a chhehvela zawrh an tum mek lai a ni.
Excise & Narcotics Department, Anti-Narcotics Squad te hian vawiin 2 May, 2014 dar 12:45 AM khan Keifang-ah Heroin gram 11 leh a neitu Ropianga (32) s/o Zaliana (L) Tiau (Khawmawi) Myanmar chu an man bawk a ni.
Excise & Narcotics Department chuan Heroin neitute hi Section 21 (b) of The Narcotic Drugs & Psychotropic Substances Act (NDPS Act) hnuaiah thubuai an siamsak a, Central Jail lamah thawn nghal an ni.
