Vawiin chawhnu khan PHE Minister Pu Zodintluanga chuan ama office ah PHE Chief Engineer leh a thawhpuite Aizawl khawpui chhunga tuisem chhuah kawnga chak zawka hmalak dan tur chungchang te sawipui in a kawm a.

Minister chuan tunhnaia PHE leh P&E hnathawkte inkawmhona an neih tak chuan rah duhawm tak chhuah mek zelin tui thianghlim in tur sem chhuah kawnga mipui harsatna pawh hmuh theih in a ti zia awm chhova a lawmawm hle a ni a ti a. Rualkhai zawka tui hi sem chhuah chhoh zel a nih theih nan PHE hnuaia hnathawkte chu an tan mar pat a ngai chho dawn a. Tui semtute, meter enfiahtute leh counter a duty te pawh mipui harsatna siam sak lo turin a chah a. Sum leh thil dang uma tuithianghlim in tur mipui chan ai mithenkhat hnena pe ta mai an awm thin tih report awm chu thil lawmawm lo taka nih avangin enfiah zuia chinfel dan kawng ngaihtuah a tul dawn a ni a ti.

PHE Department hotute hi Er.Lalmuanzova, Chief Engineer, Zone-I leh Er.F.Liantluanga, S.E., Aizawlten an hova. An ni hian tuisem chhuah leh Pump atanga lak chhoh kawnga hmasawnna te leh harsatnaawmthei thil te Minister hnenah hian an thlen a. Tui thahna(Chlorinator) pawh a khawlpui tui pumpna leh Pipe te a tih tuiek theih thin avangin Aizawl a sawn tum a nih thu an sawi bawk. Minister inTlawng tui Pump na hmuna pawnlam mi an tlangnel ta deuhva sawi awm a tih pawh enfiah a nih tur thuan sawi a ni. Engineer te hian Tlawng tui pump na kaltlanga insu leh lui a kal te chu Pump leh khawl tan a him tawk lova hriain Main Gate pawh uluk zawka enkawl a ni ang an ti a ni.

Vawiin a Minister leh PHE hotute inkawmna a rel angin naktuk chawhnu dar 1 atanga dar 3 thleng hian Vanapa Hall-ah Tuisem, Tui Metre Check tute leh counter nghaktu te tana infuihthar leh na hun buatsaih a ni dawn a. He hun hi Minister in a hmanpui dawn a, heta kal tura tih zawng zawng te chu an hna ti khaih lak lovin kal ngei ngei tura hriattir an ni.