Vawiin khan Aizawl District Excise & Narcotics thawktute chuan Rangvamual velah Rakzu litre 250 an man a. Hemi kaihhnawihah hian mi panga man telin, MLTP Act 1995 hmanga thubuai siam sak nghal an ni.

Aizawl District Excise & Narcotics thawktute vek hian 25.1.2014 (Inrinni) tlai dar 5 vel khan Ramhlun South-ah Sapzu Rum umpuitling 1,440 leh zu phurh nana hman motor Gypsy No.MZ 01/-6542 man in, he mi kaihhnawihah hian mi pahnih – Vanlalruatpuia (21) S/o T.C. Lalneihchunga, Chanmari West, Vaivakawn Road leh C. Liankhumi (21) w/o Zonuntluanga, Electric Hebron Street Veng, Aizawl te an man nghal a. MLTP Act 1995 hmangin thubuai siam sak nghal an ni. Heng an zu man hlut zawng hi Local market-ah chuan Rs. 720,000 hu vel a chhut a ni.