Ni 28.10.2019 khan a vawi khat nan MYC Member ruat tharte chu thu khawmin, Road Map leh Action Plan chungchang bakah, Policy thar duangin MYC Chairman pisaah thut khawmna neih a ni. He meeting hi Dr Vanlaltanpuia, Chairman, MYC-in kaihruaiin, MYC Member ruat tharte kim takin an kal a ni.
 
MYC Chairman chuan MYC hotu kal chhuaktate fakawm a tih thu sawiin, Mizo thalaite tana an tha lo thawh tawhnaah lawmthu a sawi. MYC Chairman Dr Vanlaltanpuia chuan,”Tun hmain MYC chuan hmalakna tur Policy alo la neih ngai loh avangin incumbent interest zulzuia kalpui a ni deuh ber thin a; tun atang erawh chuan MYC hian hmalakna tur Policy mumal tak duan a, fel fai taka a kal chhoh zel theih nan Guiding Framework neih a ngai a; chuvangin, MYC Member rorel thutkhawmna hian MYC hmathlir thlak danglamin, Mizo thalaite chu remchang tam zawk leh tha zawk a pe chhuak thei tawh dawn a ni,” a ti. Chairman chuan MYC Member rorelah hian Policy thar leh Road Map thar bakah, MYC hmalakna kalpui mek chi hrang hrang pawh khung tel leh a nih thu a tarlang a, MYC Incentive Cash Award pawh kum 2019 chhunga sem hman leh ngei turin hma lak zui nghal anih tur thu a sawi bawk.