Ni 18-22 November, 2019 chhunga Mualpui, Aizawla Sipai (Indian Army) Lak Runpui neih tura tel tum te tan online registration tihna hun tlem te a la awm a; ni 2.11.2019 hi online registration last date a nih tawh avangin, he sipai laknaa tel tum Mizoram hmun hrang hranga thalaite chuan online registration hi tifel nghal vek turin Mizoram Youth Commission (MYC) chuan a ngen a ni.
 
Online Registration titurte chuan mahni veng leh khuaa mi emaw, kan awmna atanga hnai ber Information & Communication Technology (ICT) Department hnuaia Common Service Centre (CSC)-ah a thlawnin online registration hi a tih theih a; tin, MYC Office, New Capital Complex, Aizawlah leh MYC Office, Convention Centre, Lungleiah online registration hi a thlawnin a tih theih bakah, sipaia intlar turte zingah tattoo nei chuan Certificate neih a ngai a, a mamawh chuan Aizawl leh Lungleia MYC Office-ah form a lak chhuah theih bawk. Sipaia intlar tum Online registration titurte chuan heng document hi tihfel sa vek tur a ni bawk e:-

 1.        Tradesman dil tur tan Class-VIII, General Duty dil tur tan Class-X Soldier     Technical/Nursing Assistant/Soldier Clerk or Store Keeper dil tur tan Class-XII     Mark sheet leh Certificate. (Class X or XII passed tawh tan Class-VIII a ngai lo).
2.         Recent passport size photo copy 1  (with white background).
3.         Form submit hian Phonenumber nung lai leh chumi phone chu ken tur.
4.        Adhaar Card ken tur (with correct Name, Father’s/Mother’s name and Date of     Birth).
5.        Religion Certificate thil tel tur a ni a, Kohhran lehkha kengin D.C. Office-ah     Religion Certificate hi siamtir tur a ni. D.C. hian a hranpain Form an nei lo va, D.C.     Office-ah siam chawptir tur a ni.