Expenditure-Advance-Transfer Module of Public Finance Management System(PFMS) chungchanga  training ni hnih awh tur  Planning & Programme Implementation Department buatsaih chu vawiin khan NLUP Conference Hall-ah neih tan a ni.

Pu Neeraj Kulhari, Deputy Controller of Acounts, Ministry of Custom& Excise leh Pu Sujit Kumar Singh, Ministry of Human Resource Development Delhi atanga lokal te chu training pe tu (master trainers) an ni a. Training nikhatna ah hian sawrkar department hrang hrang 13 an tel a. A ni hnihna September ni 27 ah hian sawrkar department, college  leh NGO hrang hrangte an tel dawn a ni. Training hi Dr. C. Vanlalramsanga, Secretary, Planning & Programme Implementation Department chuan kaihruaiin Pu Laldinpuia, Deputy Secretary, Finance Department leh State Nodal Officer (PFMS) ni bawkin thu a sawi a ni.

Central Sawrkar scheme hrang hranga sum dawn, pekchhuah leh sum che vel reng reng PFMS kal tlanga online a tih vek a ngaih tawh dawn avangin, a taka kalpui thei turin sawrkarin nasa taka hma la in training leh workshop te a buatsaih thin a. PFMS hi a nih dan tur ang taka hman a nih hunah chuan sum diklo taka hman leh a hmanna tur taka hman lawk lova tihkhawtlaite pawh a veng hle tura beisei a ni.