Special Summary Revision of Electoral Rolls, 2018 kalpui mek chungchangah vawiin ni 26.09.2017 chawhma dar 11:00 khan SVEEP Nodal Officer-te leh Campus Ambassador-te chu DC Conference Hall, Aizawl-ah Training pek an ni.
He meeting hi Pu J.H. Lalrimawia, Addl. Deputy Commissioner, Aizawl District SVEEP Nodal Officer ni bawk in a kaihruai a, Electoral Rolls Special Summary Revision neih mek chungchanga SVEEP Nodal Officer leh Campus Ambassador-te tihtur leh an mawhphurhna tlangpui a hrilh.
He Special Summary Revision of Electoral Rolls, 2018-ah hian tha taka hmalak a nih theih nan an mawhphurhna tur leh an hmalak dan turte hrilhhriat an ni. Online system-in NVSP.in atangin roll a inthun dilna thehluh theih a nih thu leh hei hi mipuiten tangkai taka an hman theihna turin a zau thei ang bera puangzar turin a ngen nghal bawk. Special Summary Revision of Electoral Rolls, 2018, ERONET, EVM leh VVPAT chungchangah presentation hmangin training neih a ni.
Dr. A. Muthamma, IAS, District Election Officer/Deputy Commissioner, Aizawl in Training a lo tel zawng zawngte chu an bialah theuh roll a la awm lote zawng chhuaka, tun tum Summary Revision-ah hian roll-ah dan anga lut thei zawng zawng thun vek an nih theih nan theihtawp chhuah theuh turin a hriattir a ni.
SVEEP Nodal Officer te hi an vaiin 15 an ni a, campus Ambassador te hi 24 an ni bawk.
