Vawiin khan NEDP-EDS (Entrepreneurship Development Scheme) bultum Mizoram Press Owners’ Association te Faridabad a Exposure Trip-a kal tur Pu Saihlira, Principal Adviser cum Additional Secretary, Planning Department chuan Economics & Statistic Conference Hall-ah vai liam na hun hmangin, fuihna thuchah a sawi a ni.

Pu Saihlira chuan Press neitute chu dinhmun pawimawh takah an awm a, Press chhutna a thawk mi 400 vel bawr tan eizawnna hnar petu leh mi harsa zawk te tan nu leh pa te anni, a ti a. Zinchhuak turte hnen atanga Sawrkar-in a beisei chu ram hmasawnna tur an rawn hawn pui leh hmazau zawk lehzual a an thil hmuh leh hriatte atanga ngaihtuahna zau tak hmang turin a fuih a, zin chhung hian NEDP hnuaia Sawrkar ngaih pawimawh ber pakhat Reform Policy atana Press hmasawnna tur rawn belhchhah theih tur thil te zuk zirchhuak turin duhsakna a hlan a ni.

He hun hi Pu VL Muanchhana, Principal-cum-Project Manager, Printing & Stationery Department chuan a kaihruai a, Pu Isak Lalmuanpuia Chuaungo, Research Officer chuan Entrepreneurship Development Scheme chungchang leh NEDP chungchang a zawhna awmthei hrang hrang te Powerpoint Presentation hmangin sawi fiahna hun a hmang a ni.

Exposure Trip atan hian NEDP-EDS chuan press neitute mi 12 tan nuai 6 a pe a, zin hun chhung tur hi karkhat niin, zin turte hian ni 21.5.2018-ah Delhi an thleng ang a, ni 22.5.2018-ah Faridabad panin Orient Web Offset Office, Sahil Offset Office, Prakash Offset leh factory te an thlawh ang a, ni 23.5. 2018-ah New Delhi panin Jindal Offset, Thompson Press leh Sawaswati Printers te an tlawh ang. Ni 24.5.2018-ah Kolkata panin, ni 25.5.2018-ah CDC Printers Pvt. Ltd., Howrah-ah an tlawh ang a, ni 26.5.2018-ah Lengpui panin an haw ang.

Mizoram Press Owners’ Association hi kum 1982-ah din a ni a, kum 36 a upa niin, member 50 chuang Mizoram-ah an awm a ni.