Vawiin hian Lawngtlai a LIKBK Assembly Centenary hall-ah District Child Protection, Lawngtlai Unit buatsaihin Fa lak chungchanga sawrkar dan dinglai inzirtirna hun buatsaih a ni.
District Child Protection Unit, Lawngtlai buatsaih Capacity Building On Legal Adoption Process in Mizoram hun hi Pi Mary Lalremruati, District Child Protection Officer in a kaihruai a, Pi Lalmuanpuii Chhakchhuak, Programme Manager, State Adoption Resource Agency (SARA) Aizawl chuan Dan hnuaia Fa lak chungchang chipchiar taka zirtirna hun a hmang. Mi tupawh, fa atana naupang la duhte tan mahni kal buai ngai lova Online a in registered theih anih tawh thu a sawi a. SARA chuan Online a in registered te chu Home Investigation a tih vek hnu ah pawm theih an nih leh nih loh an ngaihtuah leh thin thu a sawi a, an dinhmun a zirin fa an lak turte chu kawhhmuh sak an ni chauh thin a ni, a ti.
Juvenile Justice Act chungchang, Pu Laldinpuia Tlau, Chief Judicial Magistrate, Lawngtlai hnen atangin ngaihthlak ani bawk a, naupang kum tlinglo thil tisual hrem theih dan leh naupang a bika enkawl leh venhim ngai chungchang te a sawifiah a ni.
Inkhawm kaihruaitu Pi Mary Lalremruati chuan dan ang taka fa lak thuah mipuiten hriatna zau zawk an neih theih nana buatsaih a nih thu a sawi a, fa lak duh, dan anga lak ngai a ni tih hre lo leh dan anga la tura bawhzui dan hre lote tan a tangkai ngei a beisei thu a tarlang ani.
Mizoram chhungah hian Child Adoption Centre hi Aizawl leh Lawngtlai ah chiah ala awm rih a, Lawngtlai a mi hi Lairam Adoption Centre niin Kum 2011 April thla khan din tan ani a, din anih atanga kumin thleng hian naupang 8 Adopt tura pekchhuah ani tawh a, heng zinga Naupang 2 te hi Lawngtlai District pawnah pek chhuah ani. Tunah hian naupang 5 enkawl lai an nei mek bawk.
He zirhonaah hian Lairam Child Adoption Centre thawktute, Damdawiin a thawktute, Police leh zirna in enkawltute bakah tlawmngai pawl hrang hrang aiawhte an tel a ni.
