Vawiin khan United Nations hnuaia International Fund for Agriculture Development (IFAD) Design Mission Team chuan Champhai District a Hnahlan leh Vaikhawtlanga kuthnathawktute kawmin Hnahlan winery leh Vaikhawtlanga ran vulhte an tlawh kual.
Design Mission Team hian grape chingtute, ran vulhtute leh thlai chingtute chu kawmin an thlai chin dan leh ran vulh dan te chu uluk takin an zir chiang a, kuthnathawktuten harsatna chi hrang hrang an tawh te chu hrilhhriat anni bawk. IFAD Team chuan Champhai District an tlawh na chhan chu a zau thei ang bera loneitute dinhmun hre tur leh Mizoram Sawrkar nen thawkduna awmze nei zawka thlawhhma lak dan tur kawngzawn an tum thu an sawi ani.
Champhai District tlawhtu IFAD Team hi Edward Mallorie, Claudio Mainella leh Dr. Ajender Negi te niin NLUP Implementing Board Technical Officer Sophie Lalnunpuii in a rawn tawiawm a. Hnahlan leh Vaikhawtlang fan kualna ah hian IFAD Team hi NLUP Sawrkar Line Department hrang hrang Official ten an tawiawm ani.
