2160/2024-2025

Aizawl, September ni 21 2024: Tukin (7:00 AM) khan Aizawl District chhunga ‘Swachhata hi Seva 2024’ (Faina Beihpui Thlakna) kal zelah MINECO, Tlangzawl – SIPMIU Road Khatla Aizawl ah DC Er. Lalhriatpuia hovin Faina hnatlang neih a ni.

Mahni nunphung a Faina leh thianghlimna senglut theuh tura thuthiam lakna hun neih a ni a. Aizawl DC Pu Er. Lalhriatpuia chuan he hnatlangpui hawnna hun hi hmangin ram fai leh thianghlim nei tur chuan kan nunpui a tul thu a sawi a. Naupang zawkte atanga kan intuh a pawimawh thu leh, chumi tur chuan thiltih a inzirtir a intihhmuh a hlawkthlak thu a sawi. DC chuan mahni hma zawn theuh ah hma la vek turin kalkhawmte a sawm a ni.

He hnatlang hi Directorate of Women & Child Development ruahman in Cleanliness Target Unit/ Black Spot atan hnatlanna hmun hi a thlan a ni a. Directorate of Women & Child Development bul tum in, New Capital Complex Branch YMA, DC Aizawl leh UD&PA te nena thawkho in he faina hnatlang hi neih a ni.

He hnatlang hawnna inkhawm hi Pu R. Lalrosiama President New Capital Branch YMA chuan kaihruai in, Pi Zoramthangi Chhangte, Director, Women & Child Development chuan kalkhawmte hnenah thutiam lakna hun leh thu tawi sawina hun a nei a. Mizo ten kan ram neih chhun kan vawnhim a pawimawhzia leh kan bawlhhlawh paih thin dan ten kan ecosystem an tih buai theih dan bakah mitin te midang entawn tura hma hruaitu ni turin kalkhawmte a chah a ni.

Directorate of Women & Child Development thawktu te bakah  New Capital Branch YMA member te atangin mi 200 chuang vawiin hnatlang ah hian thawkchhuakin, DC Aizawl leh UD&PA te remruatna in bawlhloh paih motor in an hnawmhnawk tihfai te hi paih nghal a ni.