2161/2024-2025

2024 Mimkut thla ni 21: Swachhata Hi Seva 2024 kalpui mekah vawiin khan Urban Development & Poverty Alleviation (UD&PA) Department, Lungleia thawktute chuan Lunglei Pukpui dai kawng dung leh kawng thlanga a paihna hmun ni lova bawlhhlawh paihte an thian fai.

Pukpui CTU hi Swachhata Hi Seva 2024 kalpui chhunga Lunglei khawpui huam chhung (urban area)-a vantlang hmunhma then fai ngai bik [cleanliness target unit (CTU)] ruahman pariat zinga pakhat a ni a. Lunglei District Urban Development Officer (DUDO) Pu C. Sawihlira hovin vawiin khan UD&PA-a thawktute chuan Pukpui CTU then fai hnatlang hi an thawk a. Heti hian Swachhata Hi Seva 2024 kalpui chhung hian CTU ruahman pariat zinga pathum - Zotlang CTU, Rahsi Veng CTU leh Pukpui CTU-ah te faina hnatlang hi thawh tawh a ni.